Program Vårsøghelga 2021

Torsdag 27. mai 2021

Kl 17.00
Utstillingsåpning og foajekonsert på Surnadal kulturhus.
Festivalkunstnar Sara Skorgan Teigen
Torsdag 27. mai frå kl. 1700.
Utstillingsåpning kl 18.00 i finstuå. 


Sara Skorgan Teigen er årets festivalkunstnar. Vårsøghelga og samarbeidspartnar Surnadal kunstforeining er umåteleg stolte av å få ho på besøk. Sara Skorgan Teigen – med to av dei mest kjende etternamna i Norge – vil sjølvsagt bli knytta til foreldra Anita og Jahn, to av dei mest folkekjære artistane i Norge gjennom alle tider. Men ho kan óg stå på eigne bein som kunstnar.  Her ser vi fram til eit utruleg spanande møte i Finstuå.
Sara har si utdanning frå kunsthøgskulen i Oslo – i tillegg til fotoutdanning frå Danmark og New York. På cv-en fins gjeve prisar, ei rekkje utstillingar og mykje god omtale. Difor er det stort for oss at Finstuå blir plassen for hennar kunst nokre dagar i det ikkje heilt enkle kulturåret 2021. Velkomen til Surnadal, Sara! Med forbehold om endringar grunna koronasituasjonen.
Så vil elevar frå Surnadal og Rindal kulturskule kl 17.00, framføre bl.a. Teigen/Skorgan-låter. Skal tru kva det blir? Optimist eller Mil etter mil? Eller noko anna. Vi gler oss! 

Kl 23.00
Vårnattkonsert i Stangvik med orgel og ord
Erling With Aasgård, orgel og Tor Erik Jenstad, ordkunstnar
Stangvik kyrkje
Torsdag 27. mai
Mozart, Bach og dialekta vår på same plakat – samla i same vårnatta. Ja, du ser heilt rett. Vi trur at dette kan bli ei vårnatt heilt utanom det vanlege. Attpåtil i vakre og storslåtte Stangvik kyrkje.
Erling With Aasgård frå Åsskard vil denne seine kvelden spele musikk av Mozart, Bach og Messiaen. Aasgård er organist, cembalist og kyrkjemusikar med utdanning frå konservatoriet i Trondheim og Staatliche Hochschule for Musik und Dartstellende Kunst i Stuttgart. Han var frå 1997 og i ti år framover domkantor i Molde domkirke, og han har vore kantor i fleire kyrkjer – med anna i Nidarosdomen og Kolstad kyrkje. Han har spela konsertar i fleire land og gjeve ut plater. I det heile har han ei imponerande merittliste å vise fram.
I same kyrkjerom, same kvelden, får vi òg møte språkforskar, ordbokredaktør og folkemusikar Tor Erik Jenstad frå Jenstad i Sunndal. Jenstad er både cand. philol (sunndalsdialekta) og dr. art (folkemusikkterminologi med vekt på feletradisjon), og kan til og med smykke seg med Spellemanspris frå 1981 (Hørkelgaddan). I tillegg har han motteke målprisar både på Nordmøre og i Trøndelag. Jenstad er kjend som ein framifrå formidlar, og har vore mykje bruka i NRK Radio. Ein kan berre gle seg til denne reisa i dialekt, ord og uttrykk. Med atterhald om endringar grunna koronasituasjonen.

Fredag 28. mai

Kl 10.00
BARNEHAGEKONSERT MED ROCKEBANDET MANDARINSAFT
Storstuå på kulturhuset. (Lukka arrangement)

Kl 10.00
SKULEKONSERT MED TAFFELPIKENE
Mo Oppvekstsenter (Lukka arrangement)

Kl 12.30
«HENNINGTIMEN» for 10.trinn på Surnadal ungdomsskule
Verdas beste musikktime med Henning Sommerro.
Storstuå på kulturhuset (Lukka arrangement)

Kl 21.00
Trommer, polka og pub
Surnadal Billag
Fredag 28. mai
Billett: kr 400,-
Les meir: Først får vi: Oddbjørn Sponås, Frank Hannasvik og John Pål Inderberg. To unge trommisar frå Surnadal set saman eit heilt nytt konsept og lydbilde saman med jazznestor Inderberg. Oddbjørn og Frank har gått gradane frå kulturskulen til utdanning på musikkhøgskulen og konservatoriet i Trondheim. To trommisar og saxofoner. Utan harmoniske instrument eller notar. Kva kan dette bli?
Så kjem: Polkabjørn & Kleine Heine. Endeleg er dei tilbake. Kanskje er dei verden raraste duo? Ellevill musikalitet. Det er tal om kompromisslaus jodling i verdensklasse og strupesong frå same hylle. Altså den øverste. Virtuosen Kleine Heine er så god med trekkspelet at det går nesten ikkje an. Det går fort, og det går unna med stil. Ikkje rart han blir kalla trekkspelets svar på Matti Nykänen.
Surnadal Billag har ei rik historie. Etter denne kvelden trur vi det må skrivast eit nytt kapittel i den boka. Trommer og saksofon, utan harmoniar, tysk undergangsmusikk fra 30-årene blanda med jodling, strupesang og Jens Book Jensen. Alt fra same scene til same billett. Ikkje til å tru! Med atterhald om endringar grunna koronasituasjonen.

Laurdag 29. mai

Kl 10.00
Yoga og musikk
Laurdag 29. mai
Svorkasalen på kulturhuset
Billett: kr. 250,-
Marit Løfaldli og Ronny Kjøsen(tangentar), Morten B Stai(kontrabass) i samarbeid med Atleta trening&helse
Les meir: Yogaseansen under Vårsøghelga skal være eit «lågterskeltilbud». Veldig lite mystisk og veldig liten gurutettheit, men veldig nedpå jorda og lite høgtidleg.
Dersom du vil kome og berre leggje deg ned og bli værande på matta heile timen, er det heilt greit. Du skal sleppe å vikle deg inn i unevnelige posisjonar som du ikkje kjem deg ut av. Du skal ikkje prestere noko som helst.
Her skal det handle om å vere tilstades ein times tid – vere tilstades i pusten, i kroppen og i musikken, som er spesiallaga for anledninga og blir framført av to heilt fantastiske musikarar.
Fint om alle tek med eiga yogamatte. Ved behov er det muleg å låne yogamatte hos Atleta. Med forbehold om endringar grunna koronasituasjonen.

Kl 11.00Torgkonsert på kulturhustorget på Skei
Konsert med elevar frå Surnadal og Rindal kulturskule
Les meir: Vårsøghelga er stolte av å syne fram kulturkommunen Surnadal sine aller yngste musikktalent frå kulturskulen. Tenk at ei bygd med knapt 6000 innbyggjarar har fostra fram godt over 20 profesjonelle musikarar! Kulturskulen skal ha ein kjempestor del av æra for det. Kanskje får vi oppleve ein ny Trygve, Henning, Tone, Magnhild, Hedda, Sigrid, Jo Inge, Jostein, Kirsten, Oddbjørn, Hans Olav, Ingeborg, Hans Christian, Erling, Ivar, Jon, Anders, Brage, Linda, Britt Ågot, Gard, Ingebjørg, Frank eller Ola osv på scena utanfor kulturhuset akkurat denne føremiddagen. Kanskje aller helst, vil vi høyre nokon som har sitt heilt spesielle særpreg og uttrykk, som dei nemnde ovanfor berre kan drøyme om å ha.

Kl 12.00
-Drivadebatten i Storstuå på Surnadal kulturhus
«Korona: Svartedauden for idretten?»
Debatten blir leia av Svein Sæter og Tommy Fossum

Kl 14.00
-Konsert heime hos SpareBank1 Nordmøre (Tidl Surnadal sparebank) i samarbeid med Paul Okkenhaug-selskapet.

Medverkande: Mari Lunnan, Øyvind Gimse, John Pål Inderberg, elevar frå kulturskulen, Taffelpikene, Holger Skei, Beate Mordal og Hedda Hansen Berg
Les Meir: I år kjem Mari Lunnan endeleg til Vårsøghelga. Kjem ho kanskje til Surnadal på ein gul scooter, slik som hennar far og Surnadals-venen Andreas gjorde? Vi kjenner godt til Mari frå NRK, der ho er ei av dei som brenn aller mest for musikk og kulturformidling. I banken skal ho snakka om sin bestefar, komponisten Paul Okkenhaug frå Frol i Levanger, som kanskje er mest kjend for å ha komponert musikken til «Spelet om heilage Olav» som blir spela i amfiet på Stiklestad. Kva parallellar kan vi trekkje mellom komponeringa til Okkenhaug og diktinga hans Hyldbakk? Det får vi svaret på denne dagen. Elevar frå kulturskulen, Beate Mordal(sopran) og Hedda H Berg(piano) har fordjupa seg i nokre av songane til Okkenhaug i vinter, og resultatet får vi høyre her. I tillegg skal Taffelpikene, der minst ei av medlemmane har slekta si i frå Mogjerdet, spela ein komposisjon som Henning har skreve til dei. Øyvind Gimse, med ein av verdas beste og dyraste celloer, og John Pål med ein litt billegare saksofon, har fått frie kunstneriske tøylar, så kva som skjer der veit ingen. Når det gjeld opningstidane i ny-banken, så skal banken sin næraste nabo Holger oppklare det. Etter konserten spanderer Liv og Allan gratis kaffe og kake.

Kl 18.00
Kleivakvelden 2021
Laurdag 29. mai
Kleivakvelden er sjølve biletet på kva Vårsøghelga står for. Det handlar om tekst og musikk, om velfortjente prisar og vakker natur, om ei heilt spesiell stemning når sola skin i augene til eit feststemt publikum på heimplassen til Hans Hyldbakk – på finaste tomta ovanfor Skei.
Det har vore mange store opplevingar der opp gjennom åra. Og 2021 skal ikkje bli noko dårlegare. Heller tvert om. John Pål og Henning er sjølvsagt der, og med seg i år får dei Anita Skorgan og dottera Sara Skorgan Teigen. Dei to skal synge songar av Jahn Teigen med Kleivakvelden som ramme. Her kan publikum kan venta seg ei sterk og god oppleving. Med kjente og kjære tonar frå ein av dei sterkaste låtkatalogane som er å finne i Norge.
Svein Sæter leiar som vanleg diktmønstringa til grunnskuleelevane i Surnadal, i tillegg til å losa oss trygt igjennom Kleivakvelden.
Så er det alltid knytt stor spenning til kven som får Kleivaprisen. Velkomen!

Kl 20.30
Nordmørskveld i Horisonten
Laurdag 29. mai i Horisonten restaurant på Thon hotell Surnadal.

God mat er god kultur. Og enda betre blir det når alt det gode er knytt til lokal og regional produksjon. Her kan Vårsøghelga og Hotellet rett og slett tilby ein go’bit av sjeldan kvalitet. I tillegg kjem Kristin frå Tingvollost og Katherine frå Casa Boquera og fortel om ost og vin-eventyra sine.
Forrett:
Røkt ørret frå Vorpå Røkeri, servert med Mild Mester og Visman frå Tingvollost, honning frå Bias Honning, rømme frå Todalen Meieri og med flatbrød med smak av ramsløk frå Mosbøen gård.
Serveres med Sandeman Sherry
Hovudrett:
Indrefilet av svin frå Gårdsslakteriet Sylte,øregrønnsaker og Anna poteter frå Oppistua Øye, toppet med en heimelaga saus laga av Kraftkar frå Tingvollost. Alt blir pynta med blomster frå Oppistua Øye. Retten blir servert med Casa Boquera Semi Crianza.
Dessert:
Husets ostekake laga på ferskost frå Todalen Meieri, toppa med eple, mandler og salt karamell.
Det blir også musikkinnslag frå nokre av Vårsøghelg-artistane. Vi kan lova god musikk og garantert heilt makalaus god stemning.

Kl 22.00
-Vinylpub med Ole Magne Ansnes. Sandeman pub, Thon hotel Surnadal

SØNDAG 30. MAI

Kl 12.00
Boksøg i Bondehuset i Stangvik v/Svein Sæter og Møre og Romsdal forfattarlag.
Forfattargjestar: Gerd Stolsmo, Jenny Klinge og Tiger Garte
Nytt av året er at Vårsøghelga samarbeider med Møre og Romsdal forfattarlag om boksøget. I Bondehuset skal Svein bokbade 3 fargerike forfattarar, som er så kortreiste som vi kan få det. Her snakkar vi SUSU innanfor kulturlivet. Med ei forfatterinne frå Sunndalsøra, ein forfattar frå Surnadal, bokbadar frå Sunndalsøra, og ei distre forfattarinne frå Østbødalen, blir dette ei hending av dei sjeldne.

Kl 14.00
Avslutningskonsert i Stangvik kyrkje
Medvirkende: Beate Mordal, Hedda Hansen Berg, Nils Arne Eggen og Ola By Rise

Avslutningskonserten under Vårsøghelga 2021 blir ei unik oppleving med to levande legender innan fotballverda. Dei to herrane Eggen og By Rise har også eit stort hjarte for litteratur og poesi. Høyr Nils Arne og Ola By tale om litteratur, lyrikk, samhandling og om livet generelt. Innimellom dialogene(evt monologane ) med Nils Arne og Ola, får vi høyre sopranstjerna Beate Mordal frå Molde i samspel med vår eiga Hedda H Berg på flygel. Beate syng til vanleg på dei største scenane rundt omkring i verda. Søndag 30.mai kl 14.00, står ho på den aller finaste, nemleg i Stangvik kyrkje. Dette kjem til å bli ein konsert for historiebøkene.

Kl 19.00
Ekstranummer med Teatret vårt
Virvelvind av Nina Wester. Musikk og songtekstar av Ane Brun
Storstuå på Surnadal kulturhus Les meir: Vårsøghelga er glade og stolte av å få besøk av Teatret Vårt med den fantastiske forestillinga Virvelvind.
– Fem mennesker møtes for første gang på en fest – og idet festen er på høydepunktet slår fasadene sprekker og historier om hvem de egentlig er kommer til syne. Alle med forventninger til et liv som ble noe annet. Livet og kjærligheten, sorger og tap – de sitter fast i noe de vil ut av og prøver så godt de kan å finne en vei videre. Kan denne kvelden være en åpning inn i noe nytt?
Ane Brun har staket ut en helt egen kurs i norsk pop og blitt en folkekjær artist med sterk kunstnerisk visjon og tydelig signatur. Hun er aktuell med to nye album: kritikerroste After the Great Storm og How Beauty Holds the Hand of Sorrow utgitt høsten 2020.
Ane Bruns tekster gir utspring til en fortelling om levd liv og nye muligheter. Nina Wester har skrevet manus og Simon Revholt arrangert låtene for teatret. På scenen står Teatret Vårt sitt ensemble og et band spesielt sammensatt for anledningen.

Medvirkende:
Sara Fellman
Kjersti Botn Sandal
Johanna Mørck
Bjørnar Lisether Teigen
Lars Melsæter Rydjord

Musikere:
Sindre Klykken
Jo Inge Nes
Lauritz Skeidsvoll
Rune Tylden

Nina Wester – Regi
Kristian Strømskag – Regi
Simon Revholt – Musikalsk ansvarlig Daniel Äkerstrøm-Sten – Scenografi og Kostymedesign
Alva Walderhaug Brosten –
Designkonsulent
Martha Standal – Koreografisk assistanse
Jonas P A Fuglseth – Lysdesign

Med forbehold om forandringar grunna koronasituasjonen.
Ved avlysing refunderes kjøpte billettar.